Ռիսկային որոշումները բնորոշ են նաև բույսերին. 1in.am

Science News-ի փոխանցմամբ՝ այս բույսերը կարող են ռիսկային որոշումներ ընդունել: Նման եզրակացության են եկել իսրայելցի գիտնականները, որոնց աշխատանքը հրապարակվել է Current Biology պարբերականում:

Նրանք ընդգծել են, որ մարդիկ, մյուս պրիմատները, թռչուններն ու միջատները հակված չեն ռիսկի դիմել կուշտ ժամանակ, սակայն քաղցի ու դեֆիցիտի պայմաններում նրանք փոխում են ռազմավարությունը և ընդունում ռիսկային որոշումներ:

Պարզելու համար, թե արդյո՞ք բույսերն ունակ են նման ռազմավարության՝ Էֆրաթ Դեներն ու նրա գործընկերները մի շարք փորձարկումներ են իրականացրել տաք պայմաններում աճող ոլոռի (Pisum sativum) հետ:

Գիտնականները նրա արմատները դրել են երկու տարբեր տարայի մեջ՝ լի նույնատիպ սննդարար նյութերով: Գիտնականները չափել են արմատների քաշն ու դրանց բաշխվածությունը անոթի ներսում: Պարզվել է, որ սննդարար նյութերի մշտական հոսքով անոթների միջև ընտրության ժամանակ, որում դրանց մակարդակը փոխվել է, բույսերը խուսափել են ռիսկերից և գրեթե բոլոր արմատները տեղափոխել են «կայուն» անոթի մեջ:

Սակայն երբ նրանք ստիպված են եղել ընտրություն կատարել սննդի կայուն հոսքով (սակայն բնակության համար ոչ բավարար) անոթի ու «մերթ դատարկ, մերթ լի» սկզբունքով գործող անոթի միջև, բույսերը որոշել են գնալ մեծ ռիսկի: Այլ կերպ ասած՝ էքստրեմալ պայմաններում բույսերը ևս որոշում են ռիսկի դիմել:

Հարցեր, պատասխաններ, մեկնաբանություններ